KES-SBM: Benchmarking of San Juan City Science High School

Isa ang Kabayanan Elementary School sa pampublikong paaralan sa Lungsod ng San Juan ang may magandang programa sa School Based Management. Ito ang dahilan kung bakit ito ang napili ng mga guro sa San Juan City Science High School para sa kanilang benchmarking activity. Kabilang sa mga bumisita ay sina Bb. Clariza Joy A. Insigne, Bb. Jerieca Aiko L. Pilvera, G. Eduardo C. Tungul at si Gng. Lilybe B. Contante noong ika-27 ng Mayo taong kasalukuyan.

Mainit ang naging pagtanggap sa kanila ni Gng. Ma. Hernanda R. Santos, punong guro ng Paaralang Elementarya ng Kabayanan kasama si Bb. Evangeline Joie B. Bulagao, SBM Coordinator, Gng. Basilia Torres, Master Teacher II. Ipinaliwang sa naturang ocular ni Gng. Ma. Hernanda R. Santos ang gampanin ng SBM sa mga guro at mag-aaral. Naipaliwang din kung ano-ano ang mga dokumento at files ang dapat na makikita rito.Sa pagtatapos ng kanilang pag-uusap, nabanggit rin ang kahalagahan ng SBM sa pagpapatakbo ng paaralan upang matiyak na ang lahat ng kilos ay naaayos sa planong itinakda ng kolektibong pamamahala ng mga lider sa paaralan.

Article Written by:

Lexter M. De Belen

Teacher II

Kabayanan Elementary School

Page updated

Report abuse